admin
SVONDO rino tiri kukupakurirai ruzivo rwekubika mabhanzi kana chingwa nenzira yechivanhu, zvikuru vagari vekumaruwa uko kusina magetsi ekubikisa. Mbuya Elizabeth Majeya vekwaBhora, kwaChikwaka, kudunhu reMashonaland East avo vanobika chingwa nemabhanzi vanotsanangura:ZVINODIWA:
Iva nechoto chakavakwa nezvidhina nedhaka chine gomba mukati raunozovesera moto wendove yemombe.
Iva nematireyi ekubikira mabhanzi kana chingwa akachena.
Tora furawa yako woikanya uchisanganisa nembiriso, munyu neshuga zvakaringana zvichienderana nehuwandu hwechingwa kana mabhanzi aunoda kubika.
Siya furawa ichifutiswa nembiriso kwemaminitsi gumi.
Paradzira mafuta mutireyi woisa furawa yawakanya.
WOZODII?
Isa matireyi ane furawa muhovhoni inopisa zvakaringana. Pota uchitarisa kuti chingwa kana mabhanzi hazvisi kutsva.
Kana zvichinge zvaibva, unoona nekutsvukira. Chingwa nemabhanzi zvinonwiswa tsvukugadzike kana zvimwe zvinwiwa.
. Sunungukai kutumira zvamunoda kuti zvibude pachinyorwa chino panhare dzinoti +263 773 394 753
Online Reporter