admin
PIZZA kudya kunodhura kutenga asi kana munhu ukagona kuzvibikira, iwe nemhuri yako munodya namambo pasina kushandisa mari yakawanda.
Svondo rino Fortunate Sungayi ari kuJohannesburg, kuSouth Africa anotsanangura mabikirwo epizza ari nyore.
Zvinodiwa:
Furawa, mbiriso, munyu, mafuta, shuga, cheese, tomato sauce nemvura
Mabikiro:
Sanganisa furawa nemunyu, mbiriso, mafuta uye shuga shomanana woisa mvura yakafanira wozokanya.
Kana zvanyatsosangana, kwidibira ndiro ine furawa kwemaminitsi makumi matatu kuti ifute.
Chitora furawa iya woimona yakaita nhete kugadzira hwaro hwepizza (pizza base).
Chiisa zvepamusoro zvakaita setomato sauce necheese wodzorera muhovheni kwemaminitsi mashanu.
Wozodii?
Kana zvadai chibura udye nemhuri. Pizza inofanira kudyiwa ichiri kudziya uye kune mhando dzakasiyana zvichienderana nezvido zvemunhu.
. Sunungukai kutumira zvamunoda kuti zvibude pachirongwa chino panhamba dzinoti +263 713 411 281.
Online Reporter