SVONDO rino, tina Tonderai Makonese, wekuZaka, uyo ari kutitsanangurira mabikirwo ezvikanganwahama. Nyama yezvikangwanwahama inonaka zvikuru sezvo isina mafuta akanyanya.
Zvinodiwa
Chikari;
Zvikanganwahama;
Munyu;
Mafuta;
Madomasi;
Mhiripiri
Mabikiro
Cheka zvikanganwahama, uvhure mukati, wobvisa tsvina yose.
Zvigeze, zvinyatsochene; wozviisa muchikari.
Isa chidimbu chekomichi yemvura nemunyu wakaringana.
Zvikwatise kwemaminitsi makumi maviri.
Kana mvura yapera, isa twumafuta twushoma, wochikanga.
Chekerera hanyanisi nemadomasi, woramba uchikanga kusvika zvaibva.
Unogona kuzoisawo mhiripiri kana uchiifarira.
Wozodii?
Kana zvaibva, chigadzirira kuzviruma rurimi nekunakirwa.
Zvikanganwahama unogona kuzvidya zvakadaro. Unogonawo kuzvidya nesadza jena, remhunga kana rezviyo.
Sunungukai kutumira zvamunoda kuti zvibude panhamba dzinoti +263 713 411 281 kana kuti +263 773 394 753, kana kutumira paemail: muchaneta. [email protected]
