Online Reporter
YiNtatheli kaMthunywa
Amapholisa eMasvingo abophe amadoda amathathu kulandela ukutholakala elentambo zamagetsi.
Amadoda la abotshwe mhlaka 26 Mpalakazi 2025 kwenye indlu eseWestview.
Abetheswacala laba abathi uTinashe Zengeya (31), Roane Kembo (44) kunye lo Willium Tunhuma (41) batholakale behlohlela intambo zamagetsi lezi emasakeni ngemva kokuba amapholisa emukele umbiko wokuba balentambo zamagetsi.
Amapholisa abuye ahlola kuleyondlu athola ezinye intambo zamagetsi kunye lama-copper rewinds.
Kubikwa ngesikhathi bebotshwa abetheswacala bazame ukufumbathisa amapholisa iUS$200 okubangele ukuthi betheswe elinye njalo icala lokuzama ukudiza amapholisa.
I-US$200 leyo izasetshenziswa njengobufakazi.
Amapholisa aveze ukuba abophe abathathu laba kulandela ukwamukela udletshana, okuveza njalo lemizamo abayenzayo ukulwisa ukutshontshwa kwentambo zamagetsi esabelweni lesi.
