Online Reporter
ZIMKHALELE owesilisa weNomakhanzane, eMthwalume, eSouth Africa osolwa ngokuphendula abazukulu bakhe izigqili zocansi. Umsolwa ubotshwe ngamapholisa ngoLwesine ebusuku ngezinsolo zokudlwengula abazukulu bakhe ababili, oleminyaka engu-18 lengu-9, ephindelela.
Kubikwa ukuthi umzukulu oleminyaka engu-18 waqala ukumdlwengula esamncane, okwenza acine ebaleka ngakibo, ayokipita lesoka lakhe. Kuthiwa umsolwa ubemlandela ngitsho la abesehlala khona, afike amdlwengulele khona uma isoka lisemsebenzini.
Kuthiwa ngosuku abotshwe ngalo, umsolwa ubeqeda kubadlwengula bobabili abazukulu kuzehlakalo ezehlukeneyo. Ngokuthola kwentatheli, isisulu esileminyaka engu-18 sibikele omakhelwane lesoka laso ngokwenziwa ngumalume, kwabe sekubikelwa amapholisa.
Umthombo waleli phephandaba ulihlebele ukuthi isisulu esidala bese silubike kanengi udaba emdenini, kodwa ungalunaki udaba lwaso, uze walusukumela ngoba eseze wadlwengula umntwana oleminyaka engu-9.
“Ingane ibisize yabaleka ngakibo. Siyacabanga ukuthi lasemqondweni ibisigqilazekile ngoba le nto kade wayiqala umsolwa. Indlela isimo sayo esiyiyo, igcine ihlala lowesilisa ehlekisana laye ibalekela umalume ngoba unina oyizalayo sewatshona.
“Uma ichaza ithi, waqala ukuyidlwengula isencane, komunye umuzi ongahlali muntu, okhona lapha endaweni. Esigamekweni sakamuva esenzeke ngesonto eledluleyo, (umsolwa) uyibize ilabangani bayo, wayiphoqa ukuba ihambe laye wabe eseyidlwengula. Uqede ukuyidlwengula yabe isisiyabikela omakhelwane ngokuyehleleyo, qede kwabikelwa amapholisa.
“Kuthiwa umsolwa uqede ukuhlukumeza umsolwa omdala, wabe eseqonda komncane, wasiyalela ukuba sithathe ibhemba, bayegamula inkuni ehlathini, wafike wasidlwengulela khonalapho. Unina kamsolwa omncane, ongeke adalulwe igama lakhe ukuze avikelwe, uthi uzwa ubuhlungu ngento eyenziwe ngumfowabo enganeni yakhe lekadadewabo osewatshonayo.”
Okhulumela amapholisa eKwaZulu-Natal, uLt-Col Paul Magwaza uthe ukhona umsolwa obotshiwe ngamacala amabili okudlwengula abatshana bakhe ababili oleminyaka engu-18 lengu-9.-Ilanga
