admin
ASELE emangele futhi etshaqekile amalunga omphakathi kubulawa izithandani ebezihlala emqatshweni, eLay Centre e-Edendale eMgungundlovu kwele South Africa.
Kuthiwa izithandani ezihlaselwe ngamadoda angaziwayo, bezilungiselela isidlo sebusuku ngesikhathi zidutshulwa.
Kubikwa ukuthi abahlasele bamemezele umufi, uNkszn Nomfundo Nxumalo (31), obesendlini okuthe uma kucaca ukuthi akabezwa, bangena lapho abehlezi khona maqede bamdubula.
Ngaphambi kokuba bamdubule, kuthiwa bamdonse ngezinwele bemhudula phansi.
Ingane eleminyaka emibili ebilaye ngesikhathi ehlaselwa, kuthiwa bamdubule ibuka.
Isoka lakhe uMnumzana Siyabonga Ndlovu (38), ebelosa inyama emnyango, kuthiwa liphuthume egunjini labo liyobheka ukuthi kwenzakalani.
Abasolwa kuthiwa babhekise isibhamu ngakuye maqede bamdubula.
UNksz Nxumalo kuthiwa utshonele endaweni yesehlakalo, uNdlovu utshone esephuthunyiselwa esibhedlela.
Ukhansila we-Edendale uMnuz Xolani Ngongoma, uthe okwamanje akekho okwaziyo ngembangela yokudutshulwa kwezithandani.
Uthe laye udidekile ngalesi sehlakalo njengoba sekulezigameko ezinengi zokubulawa kwabantu eMgungundlovu.
“Umphakathi uthukile futhi usamangele ngalesi sehlakalo sangoLwesine ebusuku.
Sekuphenduke insakavukela umchilo wesidwaba ukubulawa kwabantu kule ndawo. Siyafisa ukuthi amapholisa angenele ukuze kunqandeke le nkinga,” kutsho uNgongoma.-Isolezwe
Online Reporter