admin
Iningizimu Afrika ivuke ngezindaba ezibuhlungu zokudlula emhlabeni kukasaziwayo wakuleli ongaconsi phansi kubalandeli bakhe.
Abantu baqale ukusola ngombhalo awufake enkundleni uTwitter ngokusa kwanamuhla. Kuthe kusenjalo kwabonakala osaziwayo abafana noJulius Malema, Robert Marawa nabo befaka izinhliziyo ezihlephukile nokubonisa ukuthi kukhona okungahambi kahle.
Kuthe kusuka kwabe kubhuza kuzo zonke izinkundla zokuxhumana amahlebezi athi uRikhado Muziwendlovu “Ricky Rick” Makhado, akasekho emhlabeni.
Amahlebezi athi lo mrepha osezakhele udumo nothatho olukhulu nakubasiki bengqephu, uthathe mphefumulo wakhe.
Umthombo osondelene nalolu daba utshele elinye lamaphephandaba akuleli ukuthi lo mrepha utholwe yithimba labaphathi bakhe ngo-8.30 namuhla. Bazamile ukumphuthumisa esibhedlela ngoba ubesaphila.
“Ngeshwa umphefumulo uhlukene nenyama endleleni eya esibhedlela,” kusho lo mthombo ongafunanga ukuba igama lakhe lidalulwe. — ubulembu
Online Reporter