Online Reporter
Brandon Moyo
NJENGOBA imidlalo ye-golf isibanga emaphathelweni, abadlali bakhangelelwe ukuthi bahlangane koBulawayo ekupheleni kwalinyanga, kumncintiswano weHarry Allen Classic ozaqhutshwa eHarry Allan Golf Club.
Umncintiswano lo, ohlelwe ngokusemthethweni yiZimbabwe Golf Association leWorld Amateur Golf Ranking (WAGR), uzakuba khona mhlaka 22 kusiya ku-23 Lwezi. Kuzahlangana intshantshu zomdlalo ezivela endaweni ezitshiyeneyo zelizwe njalo abadlali kumele babhalise ukuphatheka kuwo kusiyafika umhlaka 20 Lwezi.
Bonke abangaphansi kwenhlanganiso yeZGA, Zimbabwe Ladies Golf Union (ZLGU) leHNA bavunyelwe ukuphatheka emncintiswaneni.
Kulumqhudelwano, kuhlandla labesilisa labesifazane, abadlali bonke bazancintisana kumagodi angu-36 ngelanga lakuqala. Kwelesibili, bazabhoda amagodi angu-18 ku-strokeplay.
Abesilisa abakuhlandla lentshantshu kuzwa, bazadlala ku-strokeplay munye ngamunye kumagodi angu-54 ku-white course, kuthi abesifazane badlale amagodi afanayo ku-red course. Kuhlandla leNett, amadoda azaphatheka kumdlalo wamagodi angu-36 ku-white course, abesifazane bangene ku-red course.
Kuphethwa umncintiswano weHarry Allen Classic, umnyaka uzagqitshwa yiPlatinum Classic mhlaka 10 lamhlaka 30 Lwezi eNorton Golf Club.
Isiphetho…
