Online Reporter
Mthabisi Tshuma
Umphakathi wesiqintini seNyabane, eBulilima esabelweni seMatabeleland South ukhangelele ukuvulwa ngokusemthethweni ikilinika yeNyabane.
Ikilinika le izavulwa nguMsekeli kaMongameli welizwe uKembo Mohadi ngoLwesihlanu.
NgoLwesibili abogatsha olubona ngezeMpilakahle lokondliwa kuhle kwabantwana, inhlangothi ezehlukeneyo zikaHulumende bezilungiselela usuku lolu olukhulu.
Usuku lonke, izisebenzi ze-Rural Electrification Agency (REA) beziphathekile ngokufaka izigodo ukuze kudonswe amagetsi, kukanti i-DDF layo ibisebenza gadalala ukuze kube lamanzi endaweni le.
Abamaqembu okuzithokozisa bebelolonga imgido yabo.
Umeli edale lephalamende weBulilima ophinda abe ngumsekeli kamphathintambo we-ICT uDingumuzi Phuti uthe abantu beNyabane kanye labaseBulilima yonke jikelele kababuye ngobunengi bezobona impumelelo le.
Ukwakhiwa kweNyabane Clinic kwavela ngemva kokubambisana phakathi komphakathi weNyabane, abasemazweni aphetsheya, iBulilima RDC, owayengumeli weBulilima East uNqobizitha Ndlovu, kanye lebandla le-Church of Jesus of the Latter Day Saints.
Ekuqaleni komnyaka, ibandla leli lasekela ukwakhiwa kwebandla leli ngemali engange US$300 000 ukuze kuqedwe ukusebenza kwekilinika le.
Kwakhiwe isakhiwo sekilinika, izindlu ezintathu zabongikazi kanye lendawo yabomama abazithweleyo yokulindela.
