admin
KUBE YISIPHITHIPHITHI emgwaqweni kubukwa inkalakatha yenhlathu eyi-5 metres ubude, ebibanjwe ngabesilisa abangabazingeli.
Inyoka le okukholelwa ukuthi yinhlathu kuthiwa ibimisa abashayeli emgwaqweni ka-N2 eSouth Africa kuviki eledluleyo.
Abatshayeli bezimota kubikwa bebethatha imfanekiso yalinyoka, okwenza imota zalandelalana zaba luzhizhi umgwaqo wonke.
Kumbiko ephume ebulenjini isithi inyoka le ibibanjwe ngabantu abebeyozingela ehlathini lakule ndawo.
Kuvele ukuthi bazithele kuyo behamba lezinja.
Kuphume imfanekiso yale inyoka ebulenjini. Omunye walabo abaphose imfanekiso le nguNkosikazi Yolandi Pearce onguye othumele imfanekiso kuntathelizindaba ze-East Coast Radio (NewsWatch). Bekukhona le-video ebicacisa ubukhulu benyoka le.
Inyoka le ibithandele esigodweni behamba layo. Abazingeli laba bebelandelwa yiqulu labantu abanye behamba bebathatha imfanekiso bebona “isimanga” senyoka.
UNkkz Pearce uthe le nyoka ibilinganiselwa ku-4 kuya ku-5 amamitha ubude. Uthe bebedlula emgwaqweni bebona amadoda ephethe inyoka bakhetha ukujika emgwaqweni olandelayo babuyela emuva ukuze babone kahle.
“Sibone amadoda amanengi sazitshela ukuthi baphethe imbuzi. Sithe sidlula sabona ukuthi kulenyoka abayiphetheyo. Sitshaqekile lomkami ngebesikubona,” utsho kanje.
Uthe akazange athole isizatho sokubulawa kwale inyoka.
“Angizange ngikwazi ukubabuza ngale inyoka ngoba bebehamba betshitsha,” kutsho uNkkz Pearce.
Okhulumela amapholisa aseKwaZulu-Natal uthe akekho obesafike kubo ukuzokhala ngalokhu wathi icala ngodaba lwenyoka lingabikwa kwabakwa-SPCA.
URose Stafford owe-SPCA eMgungundlovu uthe akuvunyelwa ukubulala inyoka, lokuthengisa izicubu zayo kuyicala.
Uthe inyoka ayilimazi muntu kodwa iyabaleka nxa imbona, ngakho asikho isidingo sokuba ibulawe.
UMnu Sazi Mhlongo, okhulumela izinyanga, uthe inhlathu ngolwazi lwakhe kulicala ukuyibulala, waphinde waveza ukuthi akuvunyelwa.
Online Reporter