Online Reporter
ABANTU abathintwe yikubona umculi we-kwaito, uThokozani “L’vovo Derrango” Ndlovu echaza ngobunzima abhekane labo ngeva kokuhlaselwa yisifo sohlangothi (stroke) ngo-2022 sebeqale umkhankaso wokumsiza.
Lumculi wahlaselwa ngumkhuhlane lo esesitejini ejabulisa abantu emcimbini owawuseNdwedwe, wagijinyiselwa esibhedlela.
Phambilini wathi ngesikhathi esiya emcimbini wayephethwe likhanda elibuhlungu kuhlangotho olulodwa.
“Ngicabanga ukuthi ngenza izingoma ezintathu, ngemva kwalokho ngase ngisizwa ngiphethwe yisiyezi. Sengithi ngiyama ngangingawuzwa umlenze wami wakwesokunxele. Unyawo kungathi alukho,” kutsho uL’vovo.
Waveza ukuthi ekuqaleni wayezitshela ukuthi inkinga isenqulwini ngoba wafakwa izinsimbi ngo-2014, wathi bamusa esibhedlela iVictoria Mxenge lapho abafike bakhala khona ngeBP yakhe eyayiphezulu ayengazi lokuthi ulayo.
“Ngenxa yempilo esiyiphilayo asihambi ukuyohlola izinto ezinje. Ngiyakhumbula kuthiwa iBP yami iku-250 angisazi ngaphezu kukabani.”
NgeSonto kusabalale ama-video akhe ekhuluma ohlelweni lukaLinda Sibiya kuGagasi FM lenye esesontweni i-Ethekwini Community Church kaMbhishobhi uVusi Dube.
Kuwona kwehle izinyembezi ekhuluma langesikhathi uDube emkhulekela.
UYenziwe Qiniso Nzimande odume kuFacebook futhi ongumhleli wemicimbi, ungomunye wabathintekileyo wasungula umkhankaso wokuthi kuphoselwe esivivaneni uL’vovo owathutha eThekwini wabuyela kubo eNewcastle.
Umkhankaso uwuchaze ngokuthi ngowokubuyisa ithemba kuL’vovo.
“Ngicela lazi ukuthi uL’vovo akaze acele iminikelo. Abantu abanengi bathintekile ngengxoxo abe layo loMr Magic, kusuka lapho, sikhethe ukuthi sihlangane simsekele. Abanengi bayazi, uL’vovo waba sengozini yemoto embi ngokuhamba kwesikhathi wase ehlaselwa yisifo sohlangothi. Uyasila manje kodwa esinye isandla sakhe asisebenzi kuhle,” kubhala uYenziwe.
Uqhube wathi ngenxa yesandla, kakwazi ukubuyela emsebenzini ngokugcweleyo futhi noma ecula esiteji uyaphangisa ukukhathala.
“Uma ufuna ukunikela, kwenze lokhu ngokuthanda kwenhliziyo yakho. Umnikelo wakho uzasiza ukumelana lezindleko ze-physiotherapy yakhe lokusila.”
Ufake lemininingwane kaL’vovo yebhanga.
Akuphelanga sikhathi singakanani abantu baqala ukuphosa imali. Kutshaye emini izolo isingaphezu kuka-R42 000 imali esinikeliwe.
Ethintwa uL’vovo uthe usamatasa kudokotela. Ngemva kwesikhathi ubengasatholakali.
Kusitatimendeni uthe kakaze acabange ukuthi impilo yakhe ingatshintsha masinyane kangaka.
Uthe uNkulunkulu umnikeze elinye ithuba futhi ukhethe ukulwa.
“Ngitshayeke kakhulu ngasemalini ngoba bengingasebenzi futhi ngingaqatshwa. Ngibuyele ekhaya. Ngangisesaba ukuphumela phandle lokubonwa abantu. Abangani bami bangempela babefika bangiphekele futhi banginakekele.
Ngithole amazwi aminengi okungeseka. Ngiphinde ngatshiywa ngabantu abanengi futhi,” kutsho uL’vovo.
Uthe unikezwe ithuba lesibili empilweni.
“Sengiphila ngendlela ehlukeneyo manje. Ngidla kahle, ngiyaphumula, ngiyazinakekela futhi ngibonga lonke usuku uNkulunkulu angipha lona. Ekucineni ngiphila ngendlela obekumele ngiphile ngayo ngaphambi kokugula.” -Ubulembu
