Online Reporter
Raymond Jaravaza
KUQEQETSHE izicitshamlilo ezingu-35 ezisebenza kumakhansili emaphandleni ayisithupha agoqela iTsholotsho, Hwange, Binga, Matobo, Insiza kunye leKusile eFamona Fire Station koBulawayo ngoLwesithathu.
Phakakathi kwalabo abaqeqetshileyo, abangu-26 ngabesilisa, kuthi abesifazane bayisitshiya galolunye.
Baphiwe izithupha zabo kulumkhosi lapho umhlonitshwa omkhulu bekunguMphathintambo wogatsha lweLocal Government and Public Works uDaniel Garwe.
Abanye abahlonitshwa abakade bekhona nguMphathintambo weProvincial Affairs and Devolution koBulawayo uJudith Ncube lomsekeli kaSodolobho wakoBulawayo ukhansila u-Edwin Ndlovu.
Labo abaqeqetshe ngoLwesithathu, kukhangelelwe ukuthi babuyele kundawo abasebenza kuzo, lapho abazafika besabela abanye babo ulwazi kunye lokuncedisa kungozi zomlilo ezitshiyeneyo kulezondawo.
IBulawayo Fire Brigade ilodumo lokuba yindawo eqeqetsha ngobugcitshi izicitshamlilo kulumhlubulo welizwe njalo yiyo eyandise ukucelwa ukuthi iphathise kungozi zomlilo, ezomgwaqo, lezinye ngamakhansili aseduzane.
