Online Reporter
YiNtatheli kaMthunywa
Umkhosi we-World AIDS Day owenzelwa esigabeni seMzingwane, esabelweni seMatabeleland South walonyaka uzaqala ngomjaho weNational AIDS Council Half Marathon.
Umjaho lo osekelwa yi-National AIDS Council, uqalise ngo- 5 ekuseni.
Abazaphatheka kumncintiswano womjaho bazaphatheka kumango ethi i-5KM, 10KM kanye le-21 KM ezaqala iphelele esikolo seMzingawane High School.
Indikimba ye-World AIDS Day ka-2025 ithi: “Ukunqoba ukuphazamiseka, uguqula indlela esisekela ngayo ingculazi”.
Indikimba le iyimpendulo kumbiko engaqondanga yokuthi sokube lokuphazamiseka kwezinhlelo zeHIV ngenxa yokuqunywa kosekelo lwemali ebivela kubaxhasi.
Indikimba le iveza ukuthi impumelelo ekhona ekulwisaneni legcikwane lengculazi izaqhubeka futhi ukulwiswa kwalo lakho kuzaqhubeka.
Labo abazanqoba emncintiswaneni bazathola imvuzo eyehlukeneyo.
Ngemva komjaho abantu bazathola ukuhlolwa igcikwane leHIV, imvukuzane yesibeletho, imikhuhlane engathelelwanayo kunye lokunye okwehlukeneyo ngosuku lolu.
