Online Reporter
Ethel Ncube
KULENINA leGweru elisele likhala ezimathonsi kulandela ukutshontshelwa usane lwalo olulenyanga ezimbili ngoMgqibelo ngeviki ephelileyo.
Kubikwa ukuba inina leli, uFaith Jakaza oleminyaka engu-26 yokuzalwa wathi eqeda kumunyisa usane lwakhe walutshiya luphethwe yindodakazi yakhe eleminyaka eyisithupha esiyathenga ama-banana.
Kubikwa usane lolu lwatshontsha duzane lesitolo sako-Edgars khona eGweru.
Uthe ephenduka wathola umntwana amtshiye losane engaselamntwana, esithi ujwamulwe ngomunye umuntu ohle wangena emoteni wabaleka losane.
Inina leli lading lisadinga leyomota kodwa phinde iyibone laze layabikela amapholisa.
Isikhulumi samapholisa eMidlands uInspector Emmanuel Mahoko ubike ukuba indaba enjalo isezandleni zamapaholisa.
“Sicela ongabe elolwazi lomuntu owatshontsha usane lolu ngoba indaba le sesivule icala lokuthunjwa kosane.
“Siyaxwayisa uzulu ukuba nxa elomntwana omncane kumbe egciniswe umntwana abone ukuthi uhlala emkhangela embona sikhathi sonke,” kutsho uInsp Mahoko.
