Kutsha izakhiwo ezintathu enzikini yedolobho lakoBulawayo

Raymond Jaravaza

IZAKHIWO ezintathu ezisenzikini yendawo yamabhizimusi koBulawayo zilumathe umlilo ngoLwesibili emini.
Okwakhathesi, izicitshamlilo zeBulawayo Fire Brigade ziphakathi komsebenzi kulindawo esemgwaqweni kaLobengula Street ku-3rd lo 4th Avenue.

Izimota eziyisithupha zokucitsha umlilo zisetshenziswe kumzamo wokulwisa ukumemetheka komlilo ukuthi ungaqhubeki usabalala kwezinye izakhiwo eziseduzane.

Umlilo lo utshise ingxenye yesitolo esidumileyo, esakoSai Mart, isitolo sabosomabhizimusi baseChina esithengisa impahla ezehlukeneyo lebhutsha.

Imisebenzi yamabhizimusi ime okwesikhatshana nanko labantu bagcwele eceleni komgwaqo kaLobengula Street bebukela izicitshamlilo zizama ukucitsha umlilo lo.

Umphathi omkhulu weBulawayo Fire Brigade, uMnumzana Mhlangano Moyo, ubekhona endaweni yesehlakalo lapho abekhokelela amaqembu akhe.

Ngesikhathi sokulotshwa kwendaba le, izicitshamlilo bezilokhe zisebenza nzima ukuthi umlilo ucitshwe njalo lembangela yomlilo ibingakavezwa.

facebookShare on Facebook
TwitterPost on X
FollowFollow us
PinterestSave

Related Posts

IBosso ibonga abasekeli
IBosso ibonga abasekeli

Nkosilathi Sibanda IQEMBU leHighlanders selibonge bonke abasekeli balo abahambe eGweru ukuyakhuza iqembu kumdlalo walo leTelOne ngoMgqibelo. Kumbiko okhitshwe liqembu ngoMvulo ekuseni, iBosso ithe uthando lwabasekeli kaluqhubeke, njalo lukhuthaza abadlali, abaqeqetshi…

Continue reading
Kulimele abangu-20 kungozi yomgwaqo eMahatshula
Kulimele abangu-20 kungozi yomgwaqo eMahatshula

  Raymond Jaravaza ABANTU abangu-20 balimele ngemva kokungena kungozi yomtshova lenye imota eyenzakale emgwaqweni omkhulu osuka koBulawayo usiya eHarare, eMahatshula ngoMvulo ekuseni. Umqondisi weBulawayo Fire Brigade, uMnumzana Mhlangano Moyo uthe…

Continue reading

Leave a Reply

Your email address will not be published. Required fields are marked *

×
×