Kuvulwa iScholastica Expo

Sikhumbuzo Moyo

UMHLANGANO wezemfundo oweScholastica Expo 2025 uzavula lamuhla enkundleni yeZimbabwe International Conference and Exhibition Smart City koBulawayo.
Lonyaka umhlangano lo, oqale ngoLwesithathu, uqhutshwa ngaphansi kwendikimba ethi:

“Empowering Future Generations through Heritage Based Education and Innovation”.
Kukhangelelwe ukuthi kube labantu abangu-5 000, lalabo abazabukisa inhlelo zabo abangu-50.

Izikhulumi ezitshiyeneyo zikhangelelwe ukwethula imibiko ngezihloko thize mayelana ngemfundo kuleli. Umaqhuzu weZimbabwe International Trade Fair uDokotela Nicholas Ndebele wethule amazwi wokwamukela izivakatshi kulumhlangano.

Ezinye izikhulumi nguJunior Minister of Education uBonginkosi Lunga, uDokotela Thomas Utete Wushe, uPermanent Secretary kugatsha lwe-Industry and Commerce, Dkt Nomathemba Ndiweni, labanye abavela emanyuvesi, kuConfedearation of Zimbabwe Industries (CZI) leZimbabwe Youth Council lezinye iziphathamandla zikaHulumende.
Induna uDakamele izakhuluma ngokuqakatheka kwamasiko lokufundiswa kweHeritage Based Education.

UAmbassodor weChina uZhou Ding uzakwethula amazwi akhe kubafundi, mayelana ngalokho iZimbabwe engakufunda eChina.
IScholastica Expo izagqitshwa mhlaka 1 Ncwabakazi.