Online Reporter
Zimpapers Sports Hub
INHLANGANISO yeZimbabwe Football Association (Zifa) isimemezele ukumiswa kwabonompembe abathathu ngenxa yokungaphathi kuhle imidlalo yeCastle Lager Premier Soccer League.
Onompembe laba nguLloyd Mapanje ojeziselwa imidlalo yeDynamos v Yadah loweGreenFuel v TelOne. Umiswe umsebenzi kusukela kumdlalo wesi-17 kusiya koweviki lesi-20.
“Lokhu kulandela ukungaphathi kuhle umdlalo weDynamos leYadah owadlalwa mhlaka 19 Nhlangula 2025 eRufaro Stadium. Umdlalo lo wabikwa ngusikomitshi womdlalo esithi kawuzange uphathwe ngendlela,” kutsho umbiko ovele kuZifa.
Iqhubeke yathi: “Unompembe uGrace Gimo laye umiswe ukuphatha imidlalo yePremier League kusukela ngeviki lesi-16 kusiya ku-19. Lokhu kulandela ukungaphathi kuhle umdlalo weGreenFuel leTelOne, eGreenfuel Arena mhlaka 14 Nhlangula.Umsekeli kanompembe uClaris Simango umisiwe kumdlalo yeviki lesi-17 kusiya ku 20. Wenza inyathelo elingayisilo kumdllalo weDynamos leYadah.”
Kudala, iZifa yayijezisa onompembe ingavezi emphakathini.
NgoNkwenkwezi, iZifa yaveza njalo izijeziso kubonompembe abagoqela uLawrence Zimondi, Nelson Meke, loTichaona Mbire.
Kusenjalo, imidlalo yeCastle Lager Premier Soccer League (PSL) iyaqhubeka ngempelaviki.
IHighlanders izakuya eNkabazwe yelizwe isiyadlala leKwekwe United, eBata Stadium.
Imidlalo ngokugcweleyo
NgoMgqibelo: Greenfuel v Ngezi Platinum Stars (Greenfuel Arena), MWOS v Bikita Minerals (Ngoni Stadium), Chicken Inn v Yadah Stars (Luveve), Manica Diamonds v FC Platinum (Sakubva Stadium), Simba Bhora v ZPC Kariba (Wadzanayi Stadium), Dynamos v Herentals (Rufaro Stadium)
NgeSonto: Triangle United v TelOne (Gibbo Stadium), Scootland v CAPS United (Rufaro Stadium), Kwekwe United v Highlanders (Bata Stadium)
