Online Reporter
Ukwakhiwa kwesabizwana sokukhomba kude
Izabizwana ezikhomba kude lazo zakhiwa kuzabizwana zokukhomba eduze. Abanye basebenzisa isijobelelo u-yana ezabizwaneni zokukhomba eduze.
Nanzi izibonelo ngaphansi kwezihloko isigaba, isabizwana sokukhomba eduze kanye lesabizwana sokukhomba kude. Isigaba 1 lo + ya =loya/loyana. Isigaba 4. le + ya = leya/leyana. Isigaba 7 lesi + ya =lesiya/lesiyana.
Isigaba 15 lokhu+ ya + lokhuya/lokhuya.
Ukusetshenziswa kwesabizwana sokukhomba emitshweni. Singandulela ibizo emutshweni njengalokhu: Lezi ingubo zimanzi. Lo umfana usebenza kuhle.(Nanzelela ukuthi unkamisa wokuqala webizo angeqiwa.)
Singalandela ibizo emutshweni. Izigqoko lezi ziyadula. Inkazana le izakuba ngumtshayeli wendizamtshina.
Singaba yinhloko emutshweni. Lezi zikhonkothe ubusuku bonke. Lokhu kudliwe ekuseni.
Singalandela ezinye izabizwana emutshweni. Thatha sona lesi. Zonke kazikawatshwa lezo.
Singaba ngumenziwa emutshweni. Abafana bayenqanda leziya. Amankazana abekhaba lelo.
Zamani ukuphendula imibuzo elandelayo bafundi:
1. Phana imisebenzi emibili yesabizwana sokukhomba.
2. Chaza ukuthi izabizwana zokukhomba ezilandelayo zakhiwe njani: leziya, lobu, lokho, la, lo lezi.
