adminILIZWE leTurkey selixotshe ababalisi abangu-28 000 ngezinsolo ‘‘zokuphatheka kubuphekula’’ (terrorism).
Kubikwa kulabanye njalo ababalisi abafika 10 000 abasahlolisiswa ngemva kokuzama ukugenqula uhulumende ngenyanga kaNtulikazi.
Ekhuluma ngemva kokuhlala kweKhabhinethi, uMsekeli kaNgqongqotshe uNurettin Caninkli uthe ababalisi laba baphiwe uphum’ uphele kubungcwethi bokuba ngababalisi njalo ukuhlolisiswa kwababalisi abaxotshiweyo kuqhubekela phambili.
“Njengengxenye yokulwisa ubuphekula kulemizamo yokwenqabela umvukela kuzisebenzi zikahulumende,” kutsho uCanikli.
Uthe ababalisi abangu-455 abake bamiswa umsebenzi sebebiselwe emsebenzini ngemva kokuphela kokuhlolisisa.
Imibono yakhe iza ngemva kokuvulwa kwezikolo ngoMvulo.
Ngemva komvukela wamhlaka 15 Ntulikazi abakhokheli bavala amayunivesithi angu-15 lezikolo zemfundo yaphezulu ezifika phose 1 000 ezilobudlelwano lomfundisi okweleMelika uFethullah Gulen.
Ilizwe leTurkey lixotshe njalo izisebenzi zikahulumende ezifika 100 000, okugoqela phakathi kwabo abatshutshisi, omehluli kanye lamapholisa. — Aljazeera
Online Reporter