Online Reporter
Nkosilathi Sibanda
ABADLALI bamaWarriors abasemazweni ase-Europe sebehlangene leqembu leMorocco lapho asebeqalise ukulolonga kancane kancane belungiselela ukuqala komqhudelwano we-Africa Cup of Nations ozabe useMorocco kusukela ngeSonto.
Umdlalo wamaWarriors wokuvula umncintiswano ungoMvulo lelizwe leGipite. Zombili zihlelwe kuqoqo lika-B lapho okuphinda kube leSouth Africa le-Angola.
Imbiko evela eMorocco, iveza ukuthi uMario Marinica wamukele ukuza kwabadlali abagoqela uTawanda Chirewa, Bill Antonio, Andy Rinomhota, Brendan Galloway, Tawanda Maswanhise, Jonah Fabisch loMunashe Garananga sebehlangane labanye enkambeni, edolobheni leCasablanca.
Kumdlalo wesibili, amaWarriors azadlala le-Angola mhlaka 26 Mpalakazi, kulandela oweSouth Africa mhlaka 29 Mpalakazi.
Iqembu lamaWarriors ngokugcweleyo:
Onozinti: Washington Arubi (Marumo Gallants), Elvis Chipezeze (Magesi), Martin Mapisa (MWOS FC)
Imvimbi: Godknows Murwira (Scottland FC), Emmanuel Jalai (Dynamos FC), Sean Fusire (Sheffield Wednesday FC), Munashe Garananga (FC Copenhagen), Gerald Takwara (Al Ittihad Misurata SC Libya), Isheanesu Mauchi (Simba Bhora FC), Brandon Galloway (Plymouth Argyle FC), Teenage Hadebe (FC Cincinnati), Alec Mudimu (Flint Town United), Divine Lunga (Mamelodi Sundowns FC)
Esiswini: Marvelous Nakamba (Luton Town FC), Jonah Fabisch (FC Erzgebirg Aue), Andrew Rinomhota (Reading FC), Prosper Padera (SJK Seinäjoki),Tawanda Chirewa (Wolverhampton Wanderers FC),Knowledge Musona (Scottland FC)
Abagadli: Bill Antonio (KV Mechelen FC), Ishmael Wadi (CAPS United FC), Tawanda Maswanhise (Motherwell FC), Daniel Msendami (Marumo Gallants FC), Prince Dube (Young Africans SC), Washington Navaya (TelOne FC), Macauley Bonne (Maldon & Tiptree FC), Junior Zindoga (TS Galaxy FC), Tadiwanashe Chakuchichi (Scottland FC).
