Online Reporter
Mbulelo Mpofu
OSAZIWAYO kwezokuthokozisa uzulu lokugcina amasiko asebadlula emhlabeni bazakhunjulwa kumcimbi wezicoco zeBulawayo Arts Awards (BAA) ngoMgqibelo, njengesitshengiselo semisebenzi yabo koNtuthu laselizweni jikelele.
Kuminyaka emibili edluleyo, idolobho lalahlekelwa ngabantu ababehamba phambili, beyinsika yokuphakanyiswa kwengatsha ezitshiyeneyo ekuthokoziseni umphakathi. Kuqula leli kulo-Ishmael
“Litshe” Muvingi, Pathisa Nyathi, Desire Moyoxide Moyo, Babongile Sikhonjwa loSihlangu Qhube Dlodlo.
Ukuze bakhunjulwe ngezinga eliphezulu, kulezicoco ezizabizwa ngamabizo abo. Izicoco lezi ngezithi:
Ishmael “Litshe” Muvingi Outstanding Dance Ensemble Award, Moyoxide Outstanding Poet Award, Pathisa Nyathi Outstanding Literary Work Award, Babongile Sikhonjwa Outstanding Radio DJ Award le-
Qhube Outstanding Theatre Production Award.
Kusenjalo, abaqoqi bomcimbi wama-BAA sebekhiphe amabizo abantu abangu-25 abazalwela isicoco sePeople’s Choice Award.
Isicoco lesi sizabangwa nguBlack Diva, Amathonga Amahle, DJ Mzoe, Mjox, Fab G Umshanakagogo, Umnikazi Wempuphu, Mxolisi “Mr Bones” Ndlovu, Percy Soko, Godolude, Farai Mqondisi Sibanda, Siphephisiwe Kumene, Mzoe 7, Abigail Mabuza, Mbulelo Mpofu, Amaqaqa, Band of Misfits, Bhila, Amaculo Enjabulo, Ncominkosi Sibanda, Khanya Media, Kay Kid Unfanomsotho, Jaycee, Lindelani Calisto Mafu, General Lesley leJongosi Great Stars.
