Online Reporter
Nkosilathi Sibanda
KUKHANGELELWE ukuthi kube lezulu elaneleyo lonyaka kuleli ngakho abalimi bakhuthazwa ukuthi baqale amalungiselelo esigaba sokulima ngoba kungenzeka ukuthi line masinyane.
Lokhu kuvele kumbiko wezanuse zomkhathi abeMeteorological Services Department.
Kubikwa ilizwe lizaphinda ukuba leLa Nina, isimo somkhathi esidala izulu.
Ukuna kuhle kwezulu kuzaphathisa ekuphakamiseni ezokulima, kube lokudla elizweni kunye lokuncedisa ukuthi kube lamandla kagetsi.
“Kuzakuba lokoma okukhangelelweyo ekuqaleni kodwa ukuna kwezulu kuzakuba ngcono ngoMpalakazi kusiyaphambili ilizwe lonke.
“Kungxenye yokuqala yesizini, izigaba eziseningizimu lentshonalanga yelizwe kulindeleke ukuthi zithole izulu eliphezulu,” kutsho ugatsha lweMeteorological Services Department.
Kubikwa izulu lingaqala ukuna ngoMfumfu, liyephela ngoNhlolanja 2026. Izikhukhula kukhangelelwe ukuthi zibe nlutshwane.
