Online Reporter
Nkosilathi Sibanda
IKHANSILI yedolobho lakoBulawayo ibika ukuba isifake isicelo sokuvula ikolitshi lama-ambulensi, lokusungula izititshi zezicitshamlilo eCowdray Park laseWaterford.
Ikolitshi leli kubikwa lizabe liseNketa njalo kukhangelelwe ukuthi livulwe ngo2026. Ikhansili ithe ilinde ukuthi indawo le ihlolwe yi-Allied Health Practitioners Council of Zimbabwe (AHPCZ).
Lokhu kuvezwe ngu-chamber secretary uNkosikazi Sikhangele Zhou.
“Sesibhadale imali yokuhlolwa ku-Allied Health Practitioners Council of Zimbabwe (AHPCZ). Silethemba lokuqalisa ngo2026,” kutsho uZhou, ekhuluma kuMasiyephambili Weekly, ekumkhosi wokuqeqetshwa kwezicitshamlilo zamakhansili emaphandleni.
Uthe ugatsha lwabo lwama-ambulensi lulohlelo lokufundisa labongikazi abavela esibhedlela seMpilo. Ngaphandle kokufundisa izicitshamlilo zamakhansili emaphandleni, ikhansili yakoBulawayo iyafundisa njalo lezisebenzi zengatsha lamankampani azimele wodwa.
Kusenjalo, ikhansili isihlele ukuthi yengeze ama-ambulance ukuze izakhamizi zithole usizo ngesikhathi esifaneleyo.
