Online Reporter
Nkosilathi Sibanda
IKHANSILI yedolobho leHwange ibika ukuba isiqedile ukulungisa indawo lapho okuzethulwa khona ama-stands ezindlu, izikolo lamabhizimusi.
Osaphethe isikhundla sikamqondisi wogatsha lwe-Spatial Planning and Land Management ekhansilini le, uMnumzana Themba Sibanda uthe bahlose ukukhulisa idolobho lokunikeza izakhamizi lamabhizimusi ithuba lokwakha lokuvula imisebenzi kazulu.
“Senelise ukuqeda ukuphega izitanda ezingu-600 ezezindlu, njalo kuzakuba lezikolo ze-primary, amahofisi lamabhizimusi.
“Izitanda lezi seziphiwe ugatsha lwabo manjinela, sisenzela ukuthi kufakwe imigwaqo, impompi lamanzi,” kutsho uMnu Sibanda.
Uthe ukwethulwa kwezitanda lezi kuzehlisa inani labantu abalindele ukuthola indawo yokwakha izindlu.
Abantu abalinde ukuthola izitanda bangu-7 000.
UMnu Sibanda uthe loba bejabula ngokwethulwa kwezitanda, babiselwa emuva yikwanda kwezitolo ezingekho emthethweni.
“Sibona ukwanda kwama-tuckshop. Sicela izakhamizi ukuthi zingakhi okungekho emthethweni.”
