admin
Abel Ndooka
KUCHANGE kusingadanwe anonzwa kutanga nemusi weChitatu neChina svondo rino paChapman Golf Club, muHarare, apo vatambi vegorofu vachakweshana mumakwikwi eNational AIDS Council (NAC) HIV and Cancer Prevention Drive 4 Pro-AM Fundraising Golf Tournament.
Mutambo uyu wakananga kuunganidza mari yekutenga michina nemishonga yekurwisa HIV neAIDS pamwe chete negomarara uye gore rino pari kutarisirwa kuunganidzwa mari inosvika US$38 000 yekutenga michina mishanu inovheneka gomarara.
Vakafanobata chigaro chachamangwiza weNAC, VaAlbert Manenji, vanoti: “Gore rino mutambo uyu ndewekutsvaga mari inodarika US$38 000 iyo tinoda kushandisa kutenga michina mishanu yekuvheneka gomarara uye tinoda kushambadza zvikuru pamusoro peHIV neAIDS kuvatambi vegorofu uye kuruzhinji.”
Mutambo wegore rino unotevera wemakore adarika uyo wakaona NAC ichikwanisa kutenga michina 16 yekuvheneka gomarara iyo yakazopihwa kuzvipatara zviri kumativi mana enyika.
Online Reporter