Online Reporter
Mthokozisi Ncube
UMAQHUZU weBulawayo Chiefs uThulani “Javas” Sibanda usezivoxele kwenye ingxabangxoza yothando.
Usaziwayo kwezenguqu lo kubikwa ujola “lomuntu womunye umuntu” njalo sekube lobufakazi obukhulu bokuthi ufohle emzini kaMnumzana Eric Ncube loLoyota Johanna Ndlovu.
USibanda kuvele ukuthi kade esiya emacansini loNdlovu, njalo sekuvele ubufakazi bemifanekiso lamavidiyo lapho besemacansini, uSibanda eveza lesitho sakhe sangasese.
Ngenxa yokudabuka komoya wakhe, uMnumzana Ncube ukhethe ukuthi ayithi vu! emphakathini.
Uthe usezame waze wadela ukuthi loludaba alukhulume loSibanda kodwa kusehlula. Isixazululo yikuthi ayibeke kumaphephandaba.
UMnu Ncube uthe ufuna uSibanda ahlawulele ukuya emacansini lomkakhe. Uthe ulobufakazi obumgceke obemilayezo yefoni bokuthi uJavas loLatoya bebesiya emacansini.
Intatheli yephephandaba likazulu izibonele mathupha ividiyo ethi bhadla “ubunqunu” bukaJavas.
Komunye umlayezo, uLatoya wathumela uJavas umbiko esithi: “Lokhe ngilesiyezi”.
Phambilini kwalokhu, uJavas wayelobe ukuthi: “Sebuya umshayi wek**u,” echaza ukuthi usendleleni yokuyakholisa uluju lwemvelo.
Lakanye ngemva kwesidlo, kwaba lesibongo ezivela kuLatoya esithi: “eSibanda.”
UNcube, ubika ukuthi uLatoya ngumkakhe, utshele intatheli ukuthi bobabili balomntwana oyedwa. Uthe inkinga zokujola komkakhe ziqale ngesikhathi yena esesebenza phetsheya kwelizwe.
“Kwaqala kanje: ngatshada lomama lo, sahlala sonke eSouth Africa. Silomntwana sonke, oleminyaka emithathu yokuzalwa. Ngasuka lapho ngaya ePoland ngo2024. Ngesikhathi ngilapho, ngangisebenza nzima, ngithumela imali inyanga zonke,” kutsho uNcube.
Kuthe bengasazwani kuhle, uLatoya waphenduka wayahlala lemuli yangakibo. Kubikwa yikho lapho aqala khona ukunatha utshwala okwedlulisileyo, esehlala evusana labantu.
UNcube uthe wazama ukuthi bakhulumisane kodwa kuthe ethola udletshana lokujola kwakhe, kunye lemilayezo kumakhalekhukhwini, wahle watshintsha ingqondo.
“Ngathatha ifoni yakhe, ngakhangela iWhatsApp, ngathola ingxoxo yakhe loJavas. Ngathola ubufakazi bokuthi baya emacansini bonke, mhlawumbe kane ngoMpalakazi. Kulamavidiyo njalo lapho uJavas enqunu kunye lama-audio,” kutsho u-Eric.
Uthe kulobunye ubufakazi bengxoxo kaLatoya lenye indoda okuthiwa nguBK.
“Ngambuza ngalokhu, salwa. Kodwa, savumelana ukuthi uJavas kumele abhadale. Ngemva kwesikhathi kwatshintsha ingqondo.
“Ngacela uJavas ukuthi azohlanza umuzi wami. Ngacela labadala kunye lomphakathi ukuthi bakhulume laye, Akuzange kuphumelele,” nguNcube lo.
UNcube loLatoya bahlala bexabana ngemali, kubikwa ukuba usekelo lukaNcube alweneli. “Wacina esengitshela ukuthi kangiso mnyeni wakhe, kangimtshadanga njalo kangibhadalanga ilobolo,” kutsho uNcube.
Ebuzwa ngalokhu, uJavas uthe usaphathekile komunye umhlangano. Ngemva kwalokhu ubengasabambi ucingo.
