shloboe boe
YiNtatheli kaMthunywa
IZULU elikhulu elilomdumo kunye lezikhukhula likhangelelwe ukuthi line endaweni ezehlukeneyo zelizwe leZimbabwe kusukela ngoLwesithathu kusiyaphela iviki.
Loba ukuna kwezulu kusamukelwa ngenjabulo, inhlanganiso ebona ngezomumo womkhathi iMeteorological Services Department (MSD) ikhuthaza uzulu ukuthi athathe amanyathelo okuzivikela.
I-MSD ithe izulu kukhangelelwe ukuthi libe linengi ezabelweni zeMatabeleland, eNkabazwe, Masvingo kunye leManicaland.
Ezinye indawo zithole izulu elinengi izolo.
Indawo ezibalisa eZvishavane kunye leGwanda zithole isilinganiso se-96mm le 91mm ngokulandelana.
Kusitatimende seMSD kubikwa kukhangelelwe izulu elilezikhukhula njalo abantu kudingeka ukuba baqaphele izingozi zamanzi. Abantu bakhuthazwa ukuthi bangachaphi imfula nxa igcwele kukanti nxa izulu liphazima bazame ukucatsha.
Online Reporter