Online Reporter
Nomalisa Gumpo
Abe-Zimbabwe Parks and Wildlife Management Authority (ZimParks) bathakazelela ilanga lama-ranger, eleWorld Ranger Day lamuhla.
Ilanga leli linanzwa mhlaka 31 Ntulikazi emhlabeni wonke, kubatshazwa umsebenzi omuhle owenziwa ngama-ranger, atshona egangeni evikela inyamazana zasendle lokulondoloza imvelo.
Lonyaka indikimba ithi: “Rangers, Powering Transformative Conservation”.
Kumbiko wayo ngelanga leli, iZimParks ithe: “Leli lilanga eliqakatheke kakhulu eliphakamisa umsebenzi wama-ranger ekulondolozeni imvelo.”
Ngelanga leli kukhunjulwa lalabo abedlula emhlabeni besemsebenzini.
“Ngokulondoloza imvelo lendawo lapho okuhlala khona inyamazana zasendle, sisebenza lomphakathi, siqhuba izifundo. Kukho konke esikwenzayo, siqakathekisa ukugcina ilifa lemvelo ukwenzela izizukulwane zakusasa.
“Batshona ehlathini isikhathi eside, bebhekane lengozi ezitshiyeneyo, kodwa kabadeli moya emsebenzini,” kutsho umbiko weZimParks.
