Online Reporter
Ethel Ncube
INGCITSHI kwezokulima sezixwayise abalimi abafisa ukulima ama-cucumber ngendlela abangazilandela ukuze bathole isivuno esilohlonzi.
UMnumzana Terrence Shumba ongu-Agricultural Extension Officer ubike ukuba ama-cucumber ayalimeka njalo alenzuzo nxa elimeke kuhle.
Uveze ukuba ama-cucumber ayimihlobo etshiyeneyo kodwa ejayelekileyo.
“Ama-cucumber alomhlobo ojayelekileyo okuthiwa yi-ashely njalo lumhlobo wama-cucumber ulinywa ngesikhathi sokutshisa kusukela ngoNcwabakazi kusiyacina kuMpandula,” kutsho uMnu Shumba.
Inhlanyelo yama-cucumber iqala imiliswe andubana ihlanyelwe.
“Sikhuthaza abalimi ukuthi bawabophe ngentambo ama-cucumber engakhuli enaba phansi ukuze engadliwa yizibungu kodwa akhule esiya phezulu,” kutsho uMnu Shumba.
Uthe ama-cucumber athatha inyanga ezintathu ukuthi avuthwe.
“Ama-cucumber athatha inyanga ezintathu ukuthi ekhule njalo angavunwa inyanga ezimbili,” kutsho uMnu Shumba.
Uthe ama-cucumber alezibungu lemikhuhlane emilutshwane njalo ukhuthaza abalimi ukuthi bevuke nsukuzonke besiyakhangela izilimo zabo.
“Ama-cucumber alakho ukuhlaselwa yizibungu njalo sikhuthaza abalimi ukuthi bawafafaze ngomuthi okuthiwa yi-malathion 50e, le-Bravo,” kuphetha uMnu Shumba.
