Online Reporter
Ethel Ncube
ABALIMI sebekhuthazwe ukuthi balime ihanyanisi ngoba iyavuma ngesikhathi lesi
UMsekeli kaMqondisi we-Department of Agricultural and Rural Development Advisory Services (Ardas) uxwayise abalimi ukuthi kulesi isigaba sokulima balime ihanyanyisi ngoba yenza kuhle okumangalisayo ngalesisikhathi.
Uthe ukulima kuyibhizimisi kungakho abalimi kuyadingeka ukuthi benze i-market orientation bengakalimi.
“Isikhathi esiqondileyo sokulima ihanyanisi yinyanga kaZibandlela kusiyacina kuMbimbitho. Sikhuthaza abalimi ukuthi bengakahlanyeli, baqale baye emkambo bakhangele ukuthi abantu bathanda wuphi umhlobo,” kutsho uMnu Ncube.
Uqhubekele phambili wathi ukhuthaza abalimi ukuthi beqale belungise umhlabathi wabo bengakahlanyeli.
“Sikhuthaza abalimi ukuthi beqale belungise umhlabathi wabo bengakahlanyeli besebehlanyela inhlanyelo yabo,” kutsho uMnu Ncube.
Uthe bengahlanyela ngemva kwamaviki ambalwa benze okuthiwa yi-transplanting.
“Ngemva kwamaviki angu-8 sikhuthaza abalimi ukuthi benze i-transplanting njalo ngemva kokwenza i-transplanting befake i-top dressing ye-ammonium nitrate,” kutsho uMnu Ncube.
Uthe ihanyanyisi ilezibungu lemikhuhlane emilutshwane njalo ukhuthaza abalimi ukuthi beyifafaze.
“Ihanyanyisi ivame ukuhlaselwa yizibungu ezigoqela ama-trips kanye lama-cut worms, lemikhuhlane egoqela i-down mildew kanye le-neck rot njalo sikhuthaza abalimi ukuthi befafaze ihanyanyisi yabo ngemithi egoqela i-lambda cyhalithrin kanye le-Dithane M45,” kuphetha uMnu Ncube.
