MACHIKICHORI: Kubika mufushwa wemunyemba

SVONDO rino, tiri kukaringirwa mufushwa wemunyemba une dovi naVaJames Tinarwo, vekwaZvimba. Mufushwa wemunyemba kudya kwepasichigare kunovaka muviri, uko kwaiita ukuti vakuru vakare vagare vakagwinya, vasingabatwi nezvirwere zvose zvose uye vachirarama kwenguva refu.

Tinowana iron, vitamin C neD kubva mumufushwa wemunyemba.

Zvinodiwa

Mufushwa wemunyemba;

Munyu;

Mafuta;

Dovi;

Madomasi;

Hanyanisi

Mabikiro

Chokutanga, fashaidza munyemba nemvura ine soda kuti upfave.

Chigeza munyemba uyu nemvura inodziya.

Chiisa muchikari chine mafuta mashoma.

Chekerera madomasi nehanyanisi, wokanda munyu wakaringana nemvura.

Siya zvikwate kweawa kana kudarika, uchiwedzera mvura kusvika waibva.

Chitora dovi, ukurungire kusvika zvasangana.

Vhara poto, wodzikisa moto. Siya zvishinyire kwemaminitsi maviri, wobura zvako.

Wozodii?

Zvadaro, inenge yave nguva yekupakura. Usavi uhwu hunodyiwa nesadza jena, remhunga kana rezviyo.

Sunungukai kutumira zvamunoda kuti zvibude pachinyorwa chino panhamba dzinoti +263 713 411 281 kana kuti +263 773394753.