Online Reporter
NYAMA yezvikanganwahama inonaka zvikuru sezvo isina mafuta akanyanya uye ine mapuroteni anobatsira mukuvaka muviri. Anobatsira zvakare mukurwisa zvirwere zvakasiyana-siyana mumuviri.
Svondo rino, Tsitsi Ndarukwa wekuChitungwiza anotitsanangurira mabikirwo ezvikanganwahama emhando yepamusoro.
Zvinodiwa
Chikari;
Zvikanganwahama;
Munyu;
Mafuta’;
Mhiripiri;
Madomasi;
Hanyanisi
Mabikiro
Cheka zvikanganwahama, wozvivhura, wobva wabvisa tsvina yose.
Zvigeze, zvichene.
Zviise muchikari.
Isa chidimbu chekomichi yemvura nemunyu wakaringana.
Zvikwatise kwemaminitsi makumi maviri.
Kana mvura yapera, isa tumafuta tushoma, wokanga.
Chekerera hanyanisi nemadomasi, woramba uchikanga kusvika zvaibva.
Unogona kuzoisawo mhiripiri kana uchiifarira.
Wozodii?
Kana zvaibva, chigadzirira kuzviruma rurimi nekunakirwa.
Zvikanganwahama unogona kuzvidya zvakadaro. Unogona zvakare kuzvidya nesadza jena, remhunga kana rezviyo.
Sunungukai kutumira zvamunoda kuti zvibude pachirongwa chino panhamba dzinoti +263 713 411 281 kana kuti 07733 94 753 uye paemail: [email protected]
