MADORA kudya kunofarirwa nevanhu vemazera ose uye tinowana mapuroteni neiron kubva muusavi uhwu.
Vhiki rino, Ropafadzo Mungate, wekuBindura, anotitsanangurira mamwe mabikirwo emadora.
Zvinodiwa
Madora akaomeswa;
Hanyanisi;
Madomasi;
Mafuta;
Munyu;
Pani
Mabikiro
Fashaidza madora mumvura kuti apfave.
Dira mudhishi, apore ari mumvura imomo.
Chiageza achene, uchiatwasanudza.
Isa mafuta mupani, wobva waakanga.
Chekerera hanyanisi nemadomasi, wokanda.
Isa munyu wakaringana, woramba uchikanga kudakara zvaibva.
Wozodii?
Kana zvaibva, bura udye nemhuri.
Madora anogona kudyiwa nesadza remhunga, rezviyo kana jena. Anogona zvakare kudyiwa akadaro.
Kana parwendo, unogona zvako kufamba uchinakirwa nawo.
Aiwa, unozviruma rurimi!
Sunungukai kutumira zvamunoda kuti zvibude pachinyorwa chino panhamba yenhare inoti +263 773 394 753 kana email: muchaneta.chimukah@ gmail.com
