MAZONDO emombe kudya kunovaka muviri sezvo tichiwana mapuroteni kubva kwaari uye vamwe vanoti anosimbisa musana.
Mai Ropafadzo Mazhambe vekuGokwe svondo rino vanodonongodza mamwe mabikirwo emhando yepamusoro emazondo.
Zvinodiwa:
Chikari kana poto
Chipunu
Mazondo akaparwa nekuchekwa zvakanaka
Mvura nemunyu
Mabikirwo
Tora mazondo wosuka nemvura inopisa kuti anyatsochene.
Gadza chikari kana poto pamoto, woisa mvura yakawanda.
Isa mazondo ose imomo, wokwidibira.
Rega zvikwate kwemaawa mashanu, uchipamhidzira mvura nekupindura kuti zvisatsve.
Kana nyama yave kubva pamabhonzo, inenge yaibva zvakanaka, nokudaro chiisa munyu wakafanira.
Bura uye pakura mazondo, udye nemhuri neshamwari.
Mazondo anogona kudyiwa akadaro. Anogonazve kudyiwa nemupunga kana sadza remhando yamunoda.
Ichi chikafu chinofarirwa nevanhu vemazera ose.
Sunungukai kutumira zvamunoda kuti zvibude pachirongwa chino panhamba yenhare inoti: +263 773 394 753.
