Online Reporter
Abel Ndooka
ACHANGE ari makuwerere kuConcession nemusi weMugovera svondo rino apo vana vechikoro pamwe nevabereki vavo vachakwikwidza mumujaho weGreat Dyke Cycle Tour.
Mujaho uyu uri kurongwa nechikoro cheBarwick chakabatana nemasangano akasiyana uye uri kushandiswa senzira yekurwisa kutorwa kwezvinodhaka izvo zviri kukanganisa vechidiki vakawanda.
Achitaura muHarare svondo rino, tour coordinator weGreat Dyke Cycle Tour pachikoro cheBarwick, Gloria Mafukidze, anoti mujaho uyu uripo pakubatsira kurwisa kushandiswa kwezvinodhaka nevechidiki.
“Takaronga mujaho uyu nechinangwa chekurwisa kutorwa kwezvinodhaka nevechidiki.
“Vechidiki vakawanda vari kusiira chikoro panzira nekuda kwezvinodhaka, saka isu toda kuti vazive kuti mudoro nezvimwe zvinodhaka hapana chavanowana nekudaro vanofanira kukoshesa dzidzo yavo,” anodaro Mafukidze.
