admin
YiNtatheli kaMthunywa
UMQEQETSHI weqembu leHighlanders “Tshilamoya” uBongani Mafu useveze sobala ukuthi imidlalo yama-derby iyamsinda ngakho kuyamjabulisa uma eqede kungutshiki lobhanqa leHow Mine ngeSonto.
UMafu ubike lokhu ngeSonto ngemva kokubambisana leHow Mine ebidonsa ngesivuvu emagumeni. Kwehlule ukuthi izimbamgodi zihlohle amanengi, kwanceda unompembe ophe iHighlanders umbekwa, umdlalo waphela kungutshiki lobhanqa.
Umqeqetshi lo ayisuye yedwa osekhalaze ngokuthwala nzima kuma-derby lapho kudibana amathimu angomakhelwane. IChicken Inn leHow Mine sekusaziwa ukuthi ziyidelela ziyiphendulele phansi.
Ukwehluleka kumidlalo yama-derby yikho obekubalelwa kuyimbangela yokwehluleka ukuthatha inkezo yeligi.
“Umdlalo lo ubunzima sibili kodwa okungithokozisayo yikuthi siphume lomklomelo. Imidlalo yama-derby ivele inzima ngakho ukuthi sihlohle nje akulula.
UMafu ukhatshana lokuthola amathuba amahle okuhluthuna inkezo, njengalokhu okwenziwa ngowayeqeqetsha iBosso ngo2014, uKelvin Kaindu.
Online Reporter