admin
MUFUSHWA wemuboora une dovi mudya ndakasungwa chaiwo zvekuti munhu unopotsa wazviruma rurimi nekunakirwa kana uchinge wabikwa zvine hunyanzvi uye uku kudya kwechivanhu kunovaka muviri.
Svondo rino Tatenda Shuro wekuMarondera anorondedzera mamwe mabikirwo emuriwo uyu.
Zvinodiwa:
Chikari, poto kana pani, mugoti, chipunu, mufushwa wemuboora, hanyanisi, matomatisi nemunyu.
Mabikiro:
Tora hanyanisi nematomatisi wozvisuka nemvura inotonhora.
Chicheka kuita zvidimbu zvidiki wogadza chikari kana pani pamoto.
Chiisa mvura pamoto, kana yafashaira wotora muriwo woisa imomo wombosiya zvakadaro kwemaminitsi gumi.
Isa hanyanisi nematomatisi wozokwidibira zvombokwata kwemaminitsi mashanu.
Tora zvipunu zviviri zvedovi woisa, wokurunga kusvikira zvakwata kunge gwata-kwata.
Isa munyu mushoma mumuto wacho.
Chiraidza wozobura. Munogona kudya muboora une dovi nesadza remhunga, rezviyo kana rechibage.
Online Reporter