Online Reporter
Muchaneta Chimuka
MURUME ane makore 61 ekuberekwa akapihwa chirango chekugara mujeri kwemakore 60 nedare reGokwe Magistrates’ Courts nekuda kwemhosva yekubata chibharo katatu kese mwanasikana ane makore mapfumbamwe okuzvarwa.
Benjamin Sibanda wekwaMambo Njelele, kuGokwe akapihwa mutongo uyu nemutongi wedare iri, VaStanley Mambanje.
Muchuchisi Farima Tekera vakaudza dare kuti Sibanda aitora mukana wekubata chibharo mwana uyu apo vabereki vake vainge vasipo vaenda kumunda.
Vanoti nomusi wa24 Kukadzi gore rino, mwana uyu akasiiwa pamba aine munin’ina wake ane makore mashanu ekuberekwa apo vabereki vake vainge vaenda kumunda.
Sibanda akabva atora mukana uyu kumubata chibharo uye akazoenderera mberi nekumubata chibharo katatu kese achimutyisidzira kuti asataurira kana ani zvake.
Nyaya iyi yakazopinda mudare nomusi wa18 Kurume gore rino.
Sibanda akatongwa nemhosva yechibharo sezviri muchikamu cheSection 65 chemutemo weCriminal Law (Codification and Reform) Act, Chapter 9:23.
