Mutupo: SHIRI MAOKOMAVI

Maita Shiri,

Maokomavi,

Zvaitwa Hungwe yangu yiyi,

Mudyanevana,

Kunyima vana zvinoshura,

Maita Hungwe,

Matapatira,

Ziendanemudenga,

Pasi vakatya ndove,

Shiri isina zishura nemunhu,

Maita shiri,

Matakomavi,

Mwana waChasura,

Chasura nebanga makara asionane,

Nhombori yeshumba,

Muranda wemagaro,

Vakadzi kuvarume vavo,

Haiwa,

Zvaitwa vaira Shiri,

VokwaChinobhururuka,

Muira Shiri wangu yuyu,

Shiri iri hungwe,

Maita Mudyanevana,

Maita Matapira,

Haiwa, tatenda Maokomavi.

• Teacher Chasura, Chivi District. Denhe Renduri Nenhorimbo naA. C Hodza.