admin
Liberty Dube
MWANA anga achidzidza pachikoro cheNyamauru High School chiri kwaMutare uyo ainge achangobva mukupedza kunyora bvunzo rake reFomu 4 akarohwa nemheni akafa apo akanga ari munzira kuenda kumba nemusi weChishanu svondo rapera.
Paidamoyo Murepa (16), uyo aigara panhamba 16990 Gimboki South, akarohwa nemheni mbatya dzake dzose dzaainge akapfeka dzikatsva.
Memory Sithole (55) ndiye akazoona mutumbi wemwana uyu achibva anomhan’ara kumapurisa ekuDangamvura Police Station.
Mutevedzeri wemutauriri wemapusira kudunhu reManicaland, Inspector Luxson Chanada, vanotsinhira nezvenjodzi iyi vachiti mutumbi waMemory wakazoendeswa kumochari yeMutare Provincial Hospital.
Baba vake, VaSamuel Murepa, vanoti varasikirwa zvikuru nerufu rwemwanasikana wavo.
Mutumbi waMemory wakavigwa nemusi weMuvhuro kumarinda eDangamvura Cemetry uko kwaive nevanhu vaisanganisira vaaidzidza navo.
Online Reporter