Online Reporter
Kingstone Mapupu
MWANA wemakore maviri ekuberekwa wekuDema Phase 3, kwaSeke aiva nechirwere chegomarara remumusoro, uyo ane nyaya yakabuda muKwayedza nguva pfupi yadarika apo vabereki vake vaitsvaga rubatsiro rwekuti arapwe, ashaika.
Vabereki vemwana uyu, Kupakwashe Nyemba,
vange vari mushishi yekutsvaga mari yekuti akwanise kurapwa muzvipatara zvemuno pamwe chete nekunyika yeIndia.
Ambuya vake, Mai Precious Kadungure (41), vakazivisa kuti mwana uyu akashaika nemusi wa17 Gunyana.
“Muzukuru wangu uye azoshaika nhasi (17 Gunyana) mangwanani kuma7, tine kusuwa kukuru semhuri. Anga ari mwana wemwanasikana wangu mukuru, Keesha Makanaka Chatora (21). Takaedza zvose kuti timubatsire asi Mwari vatora budzi ravo,” vanodaro Mai Kadungure.
“Ndinotenda vose vanga vachitambanudza maoko avo kutibatsira nezvakasiyana kuti muzukuru wangu ararame.”
