admin
YiNtatheli kaMthunywa
KUCITSHE kwama inhliziyo kumgadli we-Orlando Pirates, uTendai Ndoro, ngesikhathi ebizwa ukuthi abeyingxenye yeqembu lamaWarriors elizakuyadlala leGuinea kulimpelaviki.
Umdlali lo uphume ebulenjini ebika ukuthi usefuna ukuthi ahlale engumdali ozaphakamisa iZimbabwe kuyo yonke imidlalo yemincintiswano yamazwe. Uthe akulanto ezatshabalalisa iphupho lakhe lokudlala emqhudelwaneni weAfcon.
Uthe ukufinyelela kweZimbabwe kumidlalo yeAfcon ka2017 ezadlalwa eGabon bekuliphupho lakhe.
“Ngijabule ngendlela engingeke ngiyichaze. Umqeqetshi wamaWarriors ungibize kulumdlalo. Banengi abadlali abafisa ukuthi babelobudlelwano obuhle labaqeqetshi, ikakhulu nxa udlalela isizwe sakwenu.
“Sengijabulile kodwa manje ngikhangelele ukuyadlala khona enkundleni ze-Afcon njengoba amaWarriors aphumelela,” kutsho umdlali lo.
Ukuqakama kukaNdoro esiba yisithenjwa senguqu yeZimbabwe kwasukela kuChicken Inn lapho adlala khona ibhola elikhokhelayo kodwa wayitshiya ngo-2013.
Kwenzekele ukuthi ngokukhethwa kwakhe nguPasuwa kumaWarriors, iqembu lesizwe lingene kuma-final eAfcon.
Besekuyiminyaka elitshumi iZimbabwe ingenzi kuhle kulumqhudelwano.
UNdoro uthe loba ejabulile, uyakuqonda kakuhle ubunzima obukhangelane lamaWarriors. Ukhalaza ngokuthi akumelanga kube labadlali abangalungelanga ukudlala.
“Sibanengi abadlali esisefomini. Umqeqetshi uhlezi phezulu kwenkinga yokudlalisa abadlali abasefomini njengoba sacina ukudlala sihlangene ngoNhlangula.
“Eqenjini lesizwe seZimbabwe umdlali ukhethwa kukhangelwe lokhu. Khathesi kusemqoka kakhulu ukuthi ngizame ukudlala kuhle njalo ngikhuthaza labanye bami ukuthi benze okufanayo.”
Phakathi kwabagadli uNdoro abanga labo ijesi yeAfcon ka2017 eGabon kuloKnowledge Musona weKV Oostende yaseBelgium, Nyasha Mushekwi ozakhele olukhulu udumo esekuMamelodi Sundowns, Cuthbert Malajila loKhama Billiat bobabili abakuSundowns, Evans Rusike weMaritzburg United loMathew Rusike oke wavela kuKaizer Chiefs kodwa wadlulela phetsheya kolwandle.
Iphephandaba likazulu linanzelele ukuthi loba amaWarriors eqhuba kakuhle, okusuka kuthinte iqembu leli yikuthi banengi abadlali abasemaqenjini adlala ngaphansi angaphandle kwelizwe.
Online Reporter