admin
Nkosilathi Sibanda
USAZIWAYO kwezokumodela uSipho Mazibuko usecebise amanina angendanga ukuthi ayekelane lokuthandana lamadoda abantu.
UMazibuko, oleminyaka yokuzalwa engu-48, ubike lokhu ngesikhathi echaza ukuba usethandana lendoda encane kulaye ngeminyaka engu-17.
Ekhuluma lentatheli kaMthunywa ngoLwesithathu, uMazibuko uthe kafihli ukuthi usemathandweni.
“Liqiniso qho! Ngisemathandweni mina,” kutsho uMazibuko.
“Babekhona sibili obaba abalingana lami ababengifuna, bengikhombisa nsukuzonke. Kodwa ngendaba yokuthi babetshadile, ngakubona kungcono ukuthi ngizidingele owami.
“Ngimtholile ongithandayo njalo laye uyangithanda. Mina angisilo chithamuzi. Ngeke ngijole lentanga yami ngoba bonke balemizi. Ngeke ngifake omunye umfazi ebunzimeni bokuthathelwa indoda.”
UMazibuko uhle wagijimela kukhasi lakhe le-Facebook wafaka imfanekiso emi lesithandwa sakhe u-Austin Gandidze oleminyaka engu-32 yokuzalwa.
Kungxoxo le, uMazibuko uthe ufuna ukukhuthaza abesifazane ukuthi bafunde ukuziphatha nxa bengathola omaqondan babo.
UMazibuko inengi limazi engumqondisi kaMiss Rural Zimbabwe, uhlelo lwakhe lokumodela oluphakamisa amatshatshazi adabuka emaphandleni kuleli.
Online Reporter