Online Reporter
Brandon Moyo
UMDLALI weqembu lamaSables uShingi Katsvere ubike ukuba uzizwa ephakanyisiwe ngokubizwa eqenjini, ethembisa ukuthi uzadlalela ukuthi ancedise iqembu linqobe, kumidlalo ezayo eyeZambezi Series.
Umdlali lo, oseFrance, ubecine ukudlalela ilizwe kuminyaka emibili edluleyo. Iqembu lelizwe kumdlalo we-rugby lizaqalisa ukulungiselela isizini yalonyaka kulumncitiswano.
UKatsvere ngumdlali wasesiswini. Ukhethwe kuqula lamaSables elizadlala kumqhudelwano weZambezi Series lapho okuzabe kuleZimbabwe, Zambia leBotswana.
Uthe uzizwa ehlonitshiwe ngokungeniswa kuqembu lelizwe.
“Ngiphakanyisiwe njalo kuyisibusiso lokhu. Balutshwana abathola lelithuba kabili,” kutsho uKatsvere.
Kulandela ukulimala kwakhe, umdlali lo wenelise ukuthi azilolonge, aqinise umzimba, okuyikho okuvuse ukuzethemba. Njengoba kulemidlalo emibili ezayo, uKatsvere uthe ufuna ukuba yingxenye yequla lamaSables elikwenza imbali ngokunqoba.
Ungomunye wabadlali abangu-40 ababizwe ngumqeqetshi uPieter Benade. Umkhankaso weZambezi Series uqala ngeSonto eHarare Sports Club.
Umaneja wamaSables Takunda Chifokoyo uthe: “Sibe lekhefu kusukela ngoLwezi, saphenduka emsebenzini ngoZibandlela. Abadlali bethu bazimisele, batshengisa ukuthi bayayifuna inkezo le.
“Abadlali bethu abahlala kuleli bathole isikhathi sokulolonga bebonke. Sithabile njalo sesilungiselele ukudlala leZambia leBotswana. Akula umdlalo olula kodwa sikhangelele ukuthi sijabule,” kutsho uChifokoyo.
IZambezi Series ize ngesikhathi amaSables ehlose ukuthi abophe ziqine, agcine inkezo yeRugby Africa Cup ekhaya. IZimbabwe yathwala inkezo le ngoNtulikazi nyakenye, e-Uganda.
Iqembu leZimbabwe Squad kuZambezi Series:
Front Row: Jeff Makoni, Zvikomborero Chimoto, Deanne Makoni, Wade Petzer, Brain Makamure, Bornwell Gwinji, Bryan Chang, Vuyiswa Mpofu, Tanaka Mpofu.
Second Row: David Makamba, Nyasha Shiripinda, Takunda Kundishora, Tadiwa Parirenyatwa, Hagler Muchenje.
Back Row: Tadiwa Gwashu, Vuyani Dhlomo, Brian Nyaude, Aiden Burnett (vc), Tonderai Chiwambutsa, Quinton Jones, Admire Shonhiwa, Lucky Sithole.
Half Backs: Hilton Mudariki (c), Tyrone Gombe, Nigel Tinarwo, Lenience Tambwera, Tino Chifumbu, Wayne Kunaka, Boyd Rouse.
Midfield: Tapiwa Malenga, Brandon Mudzekenyedzi, Tamuka Pamire, Dion Khumalo (vc), Shingi Katsvere, Munopa Muneta, Kudzai Mashawi (vc).
Outside Backs: Darrel Makwasha, Munesu Muneta, Trevor Gurwe, Gamu Nekati, Munyaradzi Ngandu, Puwavi Chinoda, Tadius Dzandiwandira, Ryan Mushumi, Campbell Nyakudya, Benoni Nekairo.
