Online Reporter
Ethel Ncube
ABALIMI bakhuthazwa ukuba bakhangele izinto ezithile nxa bezangena kubhizimusi lokufuya ingulube.
Udokotela wezifuyo uMnumzana Elias Shava ubike ukuba abalimi nxa bezafuya ingulube kulezinto okumele bazikhangele bengakaqali ibhizimusi lokufuya ingulube ezibalisa ukuqoqa imali eyaneleyo, ukudinga indawo efaneleyo yokufuyela, ukwakha izibaya eziqondileyo, ukudinga ulwazi olwaneleyo ngomhlobo wengulube, ukufuya imihlobo elenzuzo njalo uthenge lokudla okwaneleyo,
“Balimi, ukuze ibhizimusi lakho lokufuya ingulube liphumelele kumele uqale ukhangelisise izinto lezi. Okokuqala kumele ubelemali eyaneleyo yokuqalisa ukufuya, ungaba layo wakhe izibaya zakho ngendlela efaneleyo kusiya ngokuthi ufuna ukufuya ezingaki.
Okulandelayo nxa sowakhile, dingisisa ulwazi mayelana lemihlobo yengulube ofuna ukuyifuya. Kuyamele ukhethe imihlobo ozayifuya ikulethele inzunzo. Imihlobo engafuywa ifuyelwa ibhizimusi lokuthengisa yi Yorkshire, Landrace, Hampshire, Duroc, Tibetan, Tamworth, le-Meishan. Imihlobo le eqanjiweyo ungayifuya kuhle iyakupha inzuzo,” kutsho uMnu Shava.
Uqhubekele phambili egqugquzela ukuba ungakafuyi ukhangele izinto eziqanjwe ngaphezulu,
“Balimi siyaqonqosela ukuba nxa uzangena ekufuyweni ingulube ufuyela ukwenza ibhizimusi kumele ubone ukuba okokuqala uqoqa imali, uyedinga lolwazi lokufuya ingulube ukuze ungafuyi ungelalwazi olugcweleyo,” kuphetha uMnu Shava.
derick.khumalo