Online Reporter
YiNtatheli kaMthunywa
KUDABA olutshiye enye imuli yeHarare ididekile, kulomntwana oleminyaka emine ofe ngemva kokuwelwa lilitshe lengcwaba akade besiyalithenga.
Kubikwa isehlakalo lesi senzakale ekhoneni lika Ninth Street loMushongandebvu Street eMbare, eHarare ngoLwesihlanu, mhlaka 17 Mfumfu.
Ingozi le yenzakale, umntwana lo, ongumfana ehambe loyise ukuyathenga ilitshe lengcwaba. Kubikwa wakhubeka wasezama ukubambelela ngelinye ilitshe elalibukisiwe khonapho kodwa ngokusweleka kwenhlanhla lelolitshe laselisiwa lahle lamcobodisa ikhanda.
Kusitatimende samapholisa esikhitshwe kunkundla ye-X eyayisaziwa ngokuthi Twitter, amapholisa aveze ukuba umntwana oleminyaka emine lenyanga eziyisikhombisa ucobodiswe ikhanda lilitshe lengcwaba.
Kubikwa umntwana lo wagijinyiselwa esibhedlela esiseHarare kodwa bathi befika babikelwa ukuba usedlule emhlabeni.
