Nkosilathi Sibanda
INHLANGANISO yeMatabeleland North Basketball Association (MNBA) ibika ukuba ilungiselela ukufundisa lokuhlola izinga labonompembe bomdlalo kulesi sabelo, njengoba sekuqalwa isizini ka2026/2027.
Izifundo lezi zihlelwe ngokubambisana leBasketball Union of Zimbabwe (BUZ) Referees Commission njalo kuyingxenye yohlelo lwelizwe lonke lokuthuthukisa ulwazi lwabonompempe
lokuqinisekisa ukuthi balandela imithetho yeFIBA, okuyinhlanganiso eqondisa umdlalo we-basketball emhlabeni jikelele.
Umongameli weMNBA uBrighton John Musaidzi uthe ukuqeqetshwa lokhu kuqakathekile eku-thuthukiseni izinga lokukhokhela imidlalo esabelweni seMatabeleland North.
“Ukuthuthukiswa komdlalo we-basketball akupheleli kubadlali labaqeqetshi kuphela. Siyabad-inga njalo onompembe abalolwazi, abazithembayo njalo abaqeqetshwe kuhle, abawuzwisisayo umdlalo njalo abasebenzisa imithetho ngendlela efanayo,” kutsho uMusaidzi.
Uthe uhlelo lolu aluqondananga lokulungiselela isizini ezayo kuphela, kodwa lumayelana lokwakha isisekelo esiqinileyo somdlalo we-basketball esabelweni seMatabeleland North.
Abazangena kuhlelo lolu bazafundiswa ngemithetho yeFIBA, inguquko emithethweni, indlela zo-kutshengisa izinqumo kusetshenziswa izandla, lokuziphatha okuqondileyo kwabonompembe.
Kuzahlolwa imzimba ukuze kubonakale ukuqina kwabo, ukuhlolwa ngokukhokhela umdlalo, uku-bukela lokuchwayisisa amavidiyo kanye lokuphendula imibuzo.
“Uhlelo lolu luvulekele onompembe ababhaliswe kuBUZ abafuna ukuhlolwa kutsha ukuze batho-le izigaba ezifaneleyo, abafisa ukuba ngonompembe labameli bamaqembu.
“Abanye abalesifiso sokusebenza njenga bonompembe kumdlalo we-basketball labo bakhutha-zwa ukuthi bangene ezifundweni,” kutsho uMusaidzi.
