adminTatenda Shuro
MUMWE mudzimai anoti ashaya zano rekuita nemwanakomana wake uyo ane marambadoro uye anogara achiti anoda kuuraya vanin’ina vake kuburikidza nekuvabaya nebanga.
Merenzia Pindeni akataura mashoko aya mudare reHarare Civil Court apo akamhan’arira Ernest Kanembera achiti ari kumushaisa rugare. Mutongi Noah Gwatidzo akapa Pindeni gwaro redziviriro.
“Uyu mwanakomana wangu asi ngaadzingwe hake pamba nekuti andishungurudza zvikuru.
Anouya akadhakwa pakati pohusiku oti anoda kuuraya vanin’ina vake nebanga,” anodaro Pindeni.
Anoti zvakare Kanembera ane katsika kekumubira zvinhu zvake.
“Mwana uyu anondibira zvinhu zvangu. Ndakamhan’ara akasungwa tikatomboenda kuMbare Court ndokunzi tizodzoke asi iye haana kuuya,” anodaro.
Kanembera haana kuenda kudare kuti anopewo divi rake.
Online Reporter