Sidumisile Mabena
Sikhumbuzo Moyo
OWAKE waba ngumgcinisihlalo weTsholotsho Rural District Council, uMnumzana Velaphi Mlingo kubikwa useyamalele isikhathi esedlula okwamaviki.
UMnu Mlingo, oleminyaka engu-69 yokuzalwa, ohlala koMatshudula Line, ngusaziwayo eTsholotsho, esabelweni seMatabeleland North. Wake wasebenza engumgcinisihlalo weTshootsho Rural District Council engaphansi kwebandla leZanu PF.
Wacina ukubonakala ngoLwesithathu mhlaka 23 kuMabasa. Kusukela ngalelo langa akasabonakalanga njalo akulabantu asebexhumane laye.
lmuli yakhe icela uncedo emphakathini ukuze atholakale.
Umfowabo omncane, uMnu Mthabisi Mlingo, uthe imuli ikhathazeke kakhulu ngokunyamalala kwakhe kodwa ilokhu ilethemba lokuthi uzatholakala ephila.
“Siphelelwe ngamandla njengemuli ngoba sekudlule amaviki amabili engekho.
“Sesihlolisise endaweni ezinengi njalo sibuzisisa kodwa kuze kube khathesi kasikatholi ulwazi olusiphuthumisayo,” kutsho uMnu Mlingo.
Ucele loba ngubani ongaba lolwazi mayelana lokuthi uVelaphi angabe engaphi kwendawo, ukuthi abikele amapholisa aseduzane loba axhumane lemuli.
Abantu abangaba lolwazi bangathinta indodakazi kaMnu Mlingo kunombolo ezithi 00263712373462 loba 0027616259966.
Amalunga ebandla kanye labantu bomphakathi bathi sebeqhubeke bemdinga kusukela kwasabalala umbiko wokuthi kasekho ekhaya.
Online Reporter