Online Reporter
Nkosilathi Sibanda
UMQEQETSHI weHighlanders uPieter De Jongh ubike ukuba uyasuthiseka ngesimo seqembu lakhe kumidlalo edluleyo ngakho ulethemba lokuthi bazaqhubeka bethola imiklomelo kumidlalo eseleyo kuCastle Lager Premiership.
IHighlanders idibana leHerentals College koweligi, enkundleni yeRufaro ngeSonto.
Kodwa, loba eliguqula kwelingcono iqembu, umqeqetshi ukhala ngendlela onompembe abaphatha ngayo imidlalo.
UDe Jongh uthe lo akusoke kube ngumdlali omncane.
“Kusele imidlalo emihlanu, silemiklomelo engu-34, iqembu esidlala lalo iHerentals liphezulu, lile-43. Silolonga amahlandla amabili, ekuseni lasemini ngoba sibhekana leqembu eliqinileyo. Lamanye amaqembu aseke adlala layo kade ethwele nzima ngenxa yalokhu,” kutsho umqeqetshi ekhuluma lentatheli ngoLwesine.
Ubeke isicelo kubonompembe esokuthi bafunde ukuphatha kuhle imidlalo.
“Ngiyethemba njalo ngiyacela kubonompembe ukuthi kudlalwe kuhle, ngokuhloniphana kulandelwe imithetho yemidlalo. Kube labonompembe abenza umsebenzi wabo kuhle, hatshi emdlalweni wethu, kodwa kuyo yonke imidlalo eZimbabwe.”
